آنا اللي شفت طشتين
آنا اللي شفت طشتين
طشتٍ بيه چبدة المسموم
وطشت بيه راس خويه اِحْسين
وآنا اللي شفت نارين
آنا اللي شفت نارين
نارٍ توجّرت بالباب
ونار بخيم خويه اِحْسين
وآنا اللي شفت سوطين
آنا اللي شفت سوطين
سوطٍ لوّع الزهرا
وسوط آذى بنات اِحْسين
وآنا اللي شفت كفّين
آنا اللي شفت كفّين
كفٍّ تورّمت بالسوط
وكف انگطعت من اِحْسين
وآنا اللي شفت ضلعين
آنا اللي شفت ضلعين
ضلع اللي انكسر لامي
وضلع اللي انهشم لحسين
وآنا اللي شفت صدرين
آنا اللي شفت صدرين
صدرٍ تصوّب بمسمار
وصدر اللي انطحن لحسين
وآنا اللي شفت طفلين
آنا اللي شفت طفلين
طفل اللي وگع بالباب
والثاني اعلى صدر اِحْسين
وآنا اللي شفت حبلين
آنا اللي شفت حبلين
حبل برگبة الكرّار
وحبل برگبة ابن اِحْسين
وآنا اللي شفت راسين
آنا اللي شفت راسين
راس انطبر بالمحراب
وفوگ الرمح راس اِحْسين
وآنا اللي شفت سهمين
آنا اللي شفت سهمين
سهم بعيون أبو فاضل
والثاني بگلب اِحْسين