مات العسكري يا عين
هلّي للدمع غدران
وذكري مصاب أبو محمد
وذكري مصيبة العطشان
مات العسكري لكن
بليا غسل ما خلّوه
ولا ظل مثل جدّه اِحْسين
بخيول العدى داسوه
ولا ظل بالترب مرمي
ثلثتيام ما واروه
ولا ذبحوه مثل جدّه
ولا مات بعطش ظمآن
مات العسكري ودفنوه
ما رضّوا خرز ظهره
ولا صاب الحجر راسه
ولا صاب السهم نحره
ولا حد گطّع چفوفه
ولا داس الشمر صدره
ولا ظل بالترب مرمي
وراسه فوگ راس اِسْنان
وزينب تنظره وتشوف
راسه بالرمح عالي
وتناديه يبو السّجاد
عاين حالته وحالي
ينور العين گادونا
على الهزّل بلا والي
أنشدك عاين إلحالي
يخويه وحالة النسوان