اشلون يصير العيد عيد
وكلنا أحزان وكدر
اشلون يصير العيد عيد
وحيدر بسيف انطبر
اشلون يصير العيد عيد
وضلع بت طه انكسر
وانلطم خدها وحملها
طاح من عصرة الباب
اشلون يصير العيد عيد
ومهجة الهادي الحسن
مزّگت بالسم مهجته
جعدة في شربة لبن
وصوّبوا بسهام نعشه
ومزّگوا منه الكفن
وهدموا يا وسفة ضريحه
وساووا گبره بالتراب
اشلون ايصير العيد عيد
وكربلا تجري دما
والشهيد اِحْسين ذابت
مهجته ابحرّ الظما
وجثّته بخيل الأعادي
والسيوف امهشّمه
والأشد داسه بنعاله
وگطع نحره ابن الضباب
اشلون يصير العيد عيد
وزينب بمجلس يزيد
واگفة بذلّة وإهانة
چنها من سبي العبيد
وتنظره يضرب يويلي
بالعصا راس الشهيد
والأشد من يوم شاله
وضرب بيه راس الرباب
اشلون يصير العيد عيد
وعنّا غاب المنتظر
والله ما نعرف العيد
إلا إذا المهدي ظهر
نذر لو يظهر لكحّل
والله بترابه البصر
يمتى بس يعود لينا
والله ذابحنه الغياب